FM-EGYPT

المنتدى الجديد لعشاق لعبة فوتبول مانيجر العرب
www.fm-egypt.com
 
الرئيسيةالأعضاءبحـثاخر المشاركاتالتسجيلدخولس .و .ج

شاطر | 
 

 ازاى اعمل التدريبات؟

اذهب الى الأسفل 
كاتب الموضوعرسالة
عمرو فكرى
Hernan Crespo
Hernan Crespo
avatar

ذكر عدد الرسائل : 1021
العمر : 31
جنسيتى : Egyptian
النادى اللى بشجعه : بطلت اشجع كورة !
الكارير الحالى : FM2012: Parma 2012
تاريخ التسجيل : 09/04/2008

مُساهمةموضوع: ازاى اعمل التدريبات؟   الإثنين 25 أغسطس 2008, 11:29 am

ازاى تظبط التمرين بتاع الفريق وازاى تحدد كل لاعب يتمرن على ايه بالظبط؟

الموضوع بسيط

الاول هاتنزل تدريب عمرو فكرى وتحطه فى مكانه فى My Documents\Sports Interactive\Football Manager 2008\schedules

بعد كدة تفتح اللعبة وتخش على صفحة التدريبات بتاعة الفريق بتاعك .. من هنا :





زى ماحنا شايفين صفحة التدريبات بتنقسم لجزئين .. نص فوق ونص تحت
النص اللى تحت هاتلاقى فيه اسماء اللاعبين اللى انت هاتمرنهم
النص اللى فوق بقى هاتلاقى فيه اسماء الحصص التدريبية اللى عندك
وفى الصورة اللى فاتت كان موجود حصتين . واحدة للفريق كله وواحدة لحراس المرمى بس

نبدا نركب لتمرينات اللى احنا نزلناها من شوية كالاتى :



هاندوس على Schedules ثم Edit Schedules زى ما فى الصورة


هاتظهرلنا الصورة دى :



هاندوس على Import

هاتظهرلنا الشاشة دى :


ومن الشاشة دى بتختار التمرين اللى انت عاوز تحطه
احنا عندنا 8 تمارين مختلفة فهانعمل الاتى :
هانختار GK زى ماهو موجود فى الصورة .. وبعدين ندوس Select .. او ندوس دابل كليك على اسم التدريب مباشرة اللى هو GK


هاتظهرلنا الشاشة دى :



وكدة التمرين اللى احنا اخترناه نزل خلاص ومتعلم عليه بالازرق زى مافى الصورة .. هانعمل اللى عملناه دلوقتى تانى عشان التمرين اللى بعده
هاندوس على Import
هاتظهرلنا الشاشة دى


هانختار التمرين اللى بعد GK وهو DEF

طبعا اللى يختار مالوش دعوة دلوقتى بالتمرينات اللى جنبها كلمة (YOUTH) عشان التمرينات دى خاصة بالناشئين ومش هاتشتغل مع الفريق الاول
بعد ما نختار DEF هاتظهرلنا الشاشة دى



زى ماحنا شايفين ان تمرين DEF هو كمان نزل زى تمرين GK

هانكمل زى ماحنا شغالين لحد ما نخلص التمارين ال8 كلهم
هاتبقى الشاشة بالشكل ده :



هادوس OK
هايودينى لصفحة تدريبات الفريق زى الاول .. بس هانلاقى تغيير وهو ان التدريبات اللى احا اخترناها نزلت اهى




احنا كدة نزلنا التدريبات لكن لسة اللاعبين مش هاتمرنوا عليهم
ازاى بقى اخلى اللاعبين يتمرنوا التدريبات دى؟


هانزل تحت فى النص اللى تحت اللى فيه اسماء اللاعبين .. وهاختار لاعب لاعب واظبط التمرين بتاعه

نبدا باول لاعب فوق .. ده مركزه مدافع يبقى اخليه يتمرن التمرينات بتاعة المدافعين



زى ما فى الصورة .. هادوس على كلمة General اللى جنب اسم اللاعب هاتطلعلى قايمة فيها اسماء التدريبات المختلفة فهاختار DEF لان ده لاعب مدافع
لو كان باك رايت او باك لفت كنت هاختار Full Back مثلا

بعد ما اختار DEF للاعب ده هالاقى كلمة General اللى جنب اسمه اتحولت بقت DEF بالشكل التالى :



وهكذا هاكمل باقى اللاعبين لحد ما اخلصهم كلهم زى ما فى المربع اللى تخت

وعشان تاكد انى خلصت كل اللاعبين بص فوق مكان المربع الازرق اللى فوق هاتلاقى ان تمرين General فيه 0 لاعب .. يعنى مفيش لاعبين بيتمرنوا التدريب ده لانى خلاص وزعتهم كل واحد على التمرين بتاعه .. زى ما فى الشكل




بعد ما خلصت General زى ما فى الصورة هانزل على التدريب التانى وهو Goalkeepers وزى ماحنا شايفين ان جنبه رقم 6 يعنى فى 6 لاعبين بيتمرنوا التمرين ده .. طبعا الرقم ده بيختلف من نادى للتانى على حسب النادى اللى انت بتمرنه
هانزل تحت زى ما قلت ل Goalkeepers هايجيبلى تحت اسماء اللاعبين اللى بيتمرنوا التمرين ده
بدل ما اختار لاعب لاعب فانا هاخلهم كلهم يتمرنوا مرة واحدة التمرين بتاع GK بانى ادوس على Assign All .. تحت على اليمين واختار تدريب GK فهالاقى كل الحراس راحوا تمرين GK
زى ما فى الصورة


وبعد ما اعمل كدة هالاقى ان خلاص مابقاش فى لاعبين بيتمرنوا لفى التمرينتين العامتين اللى الكارير بتاعى بادئ بيهم وهما General و Goalkeepers وان كل اللابعين اتوزعوا على التدريبات الخاصة بتاعتهم





كدة احنا وزعنا اللاعبين على التمرينات بتاعتنا
لسة بقى نوزع المدربين كمان عشان نخلى كل مدرب يمرن حاجة معينة
من على الشمال هانختار Coaches



ولو انت جديد لسة مش مستوعب اوى التمرينات بتبقى ازاى .. وفر على نفسك وخلى اللعبة هى اللى توزع المدربين اوتوماتيك بإنك تدوس على Auto Assign All




بس . كدة احنا عملنا تدريبات ووزعنا اللاعبين عليها ووزعنا المدربين smiling


عدل سابقا من قبل عمرو فكرى في الإثنين 25 أغسطس 2008, 12:12 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.fekrynews.blogspot.com/
Munkee
Baby Manager
Baby Manager
avatar

عدد الرسائل : 4
تاريخ التسجيل : 26/10/2011

مُساهمةموضوع: رد: ازاى اعمل التدريبات؟   السبت 29 أكتوبر 2011, 4:14 am

ممتاز جدا ..

يعطيك الف عافيه .. موضوع مهم

ياليت لو تعدل على روابط بعض الصور لانها مش ظاهرة

تحياتي لك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمرو فكرى
Hernan Crespo
Hernan Crespo
avatar

ذكر عدد الرسائل : 1021
العمر : 31
جنسيتى : Egyptian
النادى اللى بشجعه : بطلت اشجع كورة !
الكارير الحالى : FM2012: Parma 2012
تاريخ التسجيل : 09/04/2008

مُساهمةموضوع: رد: ازاى اعمل التدريبات؟   السبت 29 أكتوبر 2011, 10:02 pm

ان شاء الله فى 2012 smiling
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.fekrynews.blogspot.com/
 
ازاى اعمل التدريبات؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
FM-EGYPT :: فوتبول مانيجر :: الخطط والحصص التدريبية-
انتقل الى: